Президент Владимир Путин шул турала белдерҙе. Һәр төбәктә пилотһыҙ авиация буйынса фәнни-етештереү үҙәктәре ойошторолорға тейеш. Вице-премьер – Сәнәғәт, энергетика һәм инновациялар министры Александр Шельдяев әйтеүенсә, Башҡортостанда пилотһыҙ осҡостар етештереү эше күптән алып барыла. Бер нисә ойошмала пилотһыҙ авиация программаһы әүҙем тормошҡа ашырыла. Мәҫәлән, Күмертауҙа пилотһыҙ осҡан вертолет сығарырға ниәтләйҙәр.
