Уҡыу йорто уҙған йылда "Профессионалитет" программаһы буйынса 100 миллион һумлыҡ грант отто. Радий Хәбиров яңы оҫтаханаларҙы ҡараны. Киләсәктә колледжда бюджет урындарын 250-гә арттырыу көтөлә. Республика етәксеһе ятаҡта йәшәү шарттары менән танышты, студенттар менән әңгәмәләште. "Бында уңайлы, мебель, кухня, душ инеү бүлмәләре яңыртылды", тине улар. Радий Хәбиров әйтеүенсә, Башҡортостанда һуңғы йылдарҙа колледждарҙың матди-техник базаһын яҡшыртыуға ҙур иғтибар бирелә.
