Башҡортостан Башлығы Радий Хәбиров бөгөн ошо турала белдерҙе. Ул Өфөлә үткән баҡсасылар форумында сығыш яһаны. Былтыр баҡсасылыҡ ширҡәттәренә 100 миллион һумдан ашыу аҡса бүленде. Күп кенә биләмәләрҙең инфраструктураһы яҡшыртылды, юлдар һалынды, сүп контейнерҙары урынлаштырылды.
Баҡсасылар форумы “Торатау” Конгресс-холында уҙа. Унда белгес кәңәше алырға, фекер алышыуҙарға ҡатнашырға була. Бында орлоҡ, баҡса кәрәк-яраҡтары, үҫенте һәм ашламалар һатыла.
Баҡсасылар форумы иртәгә лә дауам итә.
