Кемдер аҙыҡ - түлек, икенселәр автомобилдәр һатып ала, өсөнсөләре алғы һыҙыҡта кәрәкле әйберҙәрҙе үҙ ҡулдары менән эшләй. Башҡортостан башлығы Радий Хәбиров социаль селтәрҙәрҙә ярҙам ҡулы һуҙыусылар тураһында пост яҙҙы.
Шапкалар, кейем-һалым, билбауҙар, йоҡо бүлмәләре кеүек яугирҙәребеҙгә кәрәкле төрлө әйберҙәрҙе Яңауылдан Эльмира Мөхәмәтшина фекерҙәштәре менән бергә тегә. Йәрмәкәй районы ҡатын-ҡыҙҙары берләшеп, «Һалдат өйөндә табын» акцияһын ойошторҙо. Шул уҡ райондан ирле-ҡатынлы Кондратьевтар өс һарыҡ тапшырған, шуларҙан урындағы хужабикәләр 150 һауыт ит быҡтырған. Бал, башҡа аҙыҡ-түлек йыялар. «Башнефтегеофизика» компанияһының «Сервис – Мастер» предприятиеһына айырым рәхмәт. Үҙ аҡсалары иҫәбенә улар граждандар автомобилдәрен махсус хәрби оперпцияға әҙәерләй. Хәҙер унда миномет иҫәпләүе өсөн «Урал» борты йыйыла. Бында мейес-буржуйкалар ҙа монтажлана. Был бер нисә миҫал ғына. Башҡортостанда улар күп. Һәр ауылда йәки ҡалала вайымһыҙ булмаған кешеләр бар, улар беҙҙең менән бергә еңеү өсөн барыһын да эшләргә тырыша, тип яҙған Башҡортостан башлығы.
