Йыйында ҡатнашыусылар баҡсасылар ширҡәттәрен борсоған юридик һәм иҡтисади мәсьәләрҙе хәл итеү буйынса семинарҙар, фекер алышыуҙарҙа ҡатнашты.
Әле баҡсаларҙа башлыса электр тәьминәте, юлдар юҡлығы һәм сүп -сар сығарыу проблемаһы көнүҙәк ҡала. Шулай уҡ участкаларҙы, йорт-ҡаралтыларҙы законлаштырыу кеүек мәсьәләләр ҙә белгестәр ярҙамы талап итә. Форумға йыйылыусылар йәшелсә-емеш үҫтереү буйынса оҫталыҡ дәрестәре алыу менән бер рәттән юридик белемен дә камиллаштырҙы.
Башҡортостанда баҡсасыларҙы борсоған төп ике мәсьәлә- электр селтәрҙәре һәм юлдарҙы төҙөкләндереү эше башланды. Былтыр был маҡсатҡа Радий Хәбиров йөҙ миллион һум аҡса бүлгәйне. Быйыл иһә был күләм 250 миллион һумға тиклем арттырылды.
