Башҡортостанда танылған скрипка оҫтаһы һәм дирижер Владимир Спиваков һәм Рәсәй милли филармония оркестры фестивале уҙғарыла. Тамашалар Өфөлә һәм Салауатта була. Республика милли симфоник оркестры генераль директоры Артур Нәзиуллин белдереүенсә, Владимир Спиваков концерттары музыка менән ҡыҙыҡһыныуҙы арттыра.
Владимир Спиваков фестивале бөгөн башлана һәм 23 февралгә тиклем дауам итә. Программала Бетховен, Чайковский, Шостакович әҫәрҙәре ҡаралған.
