Һикеяҙ урта мәктәбенә генә капиталь ремонт үткәреүгә федераль ҡаҙнанан 17 миллион һумдан ашыу аҡса бүленгән. Ремонттан һуң мәктәп тыштан да, эстән дә танымаҫлыҡ булып үҙгәргән. Түбәһе , тәҙрәләр, инженер селтәрҙәре тулыһынса яңыртылған.
Йылытыу селтәрҙәре, һыу торбалары, канализация алмаштырылған. Кластарға яңы иҙән түшәлгән. Уҡыусылар тулыһынса модернизацияланған мәктәптә төплө белем ала, башланғыс хәрби әҙерлек нигеҙҙәрен өйрәнә, хеҙмәт дәрестәрендә юғары теүәллектә идара ителә торған станоктарҙа эшләү мөмкинлегенә эйә. Мәктәптә белем алыусылар яҡшы физик әҙерлекле булһын өсөн спорт инвентарҙары алынған.
