Флорид Миңлемулла улы уҡыусылар күңеленә тәрән фәлсәфәгә ҡоролған тормошсан әҫәрҙәре менән үтеп ингән әҙип. «Һөйәһеңме-һөймәйһеңме» драмаһынан башлап, ике тиҫтәнән ашыу әҫәр авторы.
Милли колоритлы ижады Флорид Бүләковты Башҡортостандың халыҡ яҙыусыһы, Рәсәйҙең әҙәбиәт һәм сәнғәт өлкәһендә, республиканың Салауат Юлаев исемендәге дәүләт премиялары лауреаты дәрәжәһенә күтәрә. Күренекле драматургтың пьесалары илебеҙҙең 150-нән ашыу театрында сәхнәләштерелгән.
