Республика һуғыш ветерандары госпиталендә дауалау, реабилитация курсы үткән пациенттарҙы Ватанды һаҡлаусылар көнө уңайынан тәбрикләү тантанаһы үтте. Медицина учреждениеһы коллективы махсус хәрби операцияла һәләк булған лейтенант Линар Ғариповтың ата-әсәһе менән осрашып, көслө рухлы, ҡыйыу ул үҫтергәндәре өсөн рәхмәт һүҙҙәрен еткерҙе. Ҡазан юғары танк команда училищеһын тамамлаған егет вафатынан һуң «Батырлыҡ» һәм Шайморатов ордендары менән бүләкләнгән.
