Ҡыҙыу уйындар алдынан төбәк башлығының спортсылар менән осрашыуы матур йолаға әйләнде. Ошондай осрашыуҙар хоккейсыларға ышаныс , ә көйәрмәндәргә өмөт бирә. Юлаевсыларҙың тәүге дәғүәселәре Владивостоктың «Адмирал» командаһы. Өфө хоккейсылары был клуб менән плей-оффта беренсегә осраша. Радий Хәбиров юлаевсыларға сағыу хоккей миҙгеле һәм лайыҡлы урын өсөн рәхмәтен белдерҙе.
Салауат Юлаев хоккей командаһы сериялағы тәүге уйынын бөгөн уҙғара. Матчты беҙҙең телекананал яңылыҡтар сығарылышынан һуң тура эфирҙа күрһәтә.
