Республика Хөкүмәтендә студент ҡаласағы төҙөлөшө буйынса кәңәшмә үтте. Евразия фәнни-мәғариф үҙәге кампусы бизнес, фән һәм алдынғы белем биреүҙе берләштергән майҙансыҡҡа әүерелергә тейеш. Юғары уҡыу йорттары кәрәкле технологик ҡорамалдар исемлеген әҙерләгән. Уны эксперттар тикшергән һәм баһа биргән. Ошо арала республикаға буласаҡ студент ҡаласағы менән танышыу өсөн Рәсәй Хөкүмәте вице-премьеры Дмитрий Чернышенконың килеүе көтөлә.
