Өфөнөң 15-се балалар музыка мәктәбе уҡыусыһы Булат Мишәров Рәсәйҙең быйылғы 12-се йәштәр Дельфий уйындарында ҡатнашасаҡ. Булат Мишәров - билдәле музыкаль педагог Айнур Искәндәровтың тәрбиәләнеүсеһе, күп тапҡырҙар халыҡ-ара, Рәсәй һәм төбәк кимәлендә уҙған баянсылар конкурс-фестивалдәре лауреаты.
Үҫмер һайлап алыу турында ҡатнашҡан 70 кеше араһынан билдәләнгән 16 лауреат исемлегенә ингән. Еңеүселәр апрель аҙағында Һарытау ҡалаһында үтәсәк Дельфий уйындарына Башҡортостан делегацияһы составында юллана.
