Япмалы манеж “Спорт – йәшәү рәүеше” федераль проектына ярашлы төҙөлдө. Бында балаларға футбол менән шөғөлләнеү өсөн уңайлы шарттар булдырылған. Башҡортостан Башлығы Радий Хәбиров әйтеүенсә, республикала спортты үҫтереүгә һәр саҡ етди иғтибар бирелә.
Рәсәй Хөкүмәте вице-премьеры Дмитрий Чернышенко йәш футболсыларға уңыштар теләне һәм 2024 йылда Ҡазанда үтәсәк “Киләсәк уйындары” халыҡ-ара турнирында ҡатнашырға саҡырҙы.
Бөгөн Өфөлә япмалы манежда фиджитал футбол буйынса ярыш башланды. Уның шартына ярашлы спортсылар башта майҙанда туп тибә, һуңынан компьютерҙа уйнап ярыша.
