Советтар Союзының «иң билдәле Болгария вәкиле» булараҡ танылған йырсы тураһында документаль фильм «Родина» кинотеатрында күрһәтелде. Фильмда билдәле сәнғәт әһелдәре, телевидение вәкилдәренең музыкант тураһындағы хәтирәләре тупланған.
Коллегалары билдәләүенсә, йырсы Рәсәйҙе ижади Ватаны тип иҫәпләгән. Уның башҡарыуындағы «Ямғыр», «Бәхет ҡошо» кеүек йырҙар бөгөн дә популяр. Композициялар хәтер кисәһендә лә яңғыраны.
Шулай уҡ ошо көндәрҙә Болгария биләмәһен Ғосман империяһы иҙеүенән азат ителеүгә 145 йыл тула. Был йәһәттән майҙанда Башҡортостандағы Болгария вәкилдәре ойошмаһы ағзалары ҡатнашлығында тантаналы сара ойошторолдо.
