Бөгөн уның вафат булған көнө. Коллегабыҙ Әхәт Мотаһар улы радио тыңлаусыларға утыҙ йылдан ашыу көн һайын хәйерле иртә теләне, телетапшырыуҙар алып барҙы. Танылған дикторҙың тыуған яғы Учалыла “Диктор тауышы” конкурсы уҙғарыла, тыуған ауылы Яңы Байрамғолда Мортазиндар музейы булдырылды. Унда Әхәт Мортазинға арналған мөйөш тә бар. Йыл һайын Өфөлә Әхәт Мортазин иҫтәлегенә волейбол буйынса турнир ойошторолоп килә.
