«Изге йөрәк» исеме аҫтында 15-се тапҡыр уҙғарылған сара ауыр тормош хәлендә ҡалған балаларға ярҙам күрһәтә. Акция сиктәрендә Ҡала мәҙәниәт һәм ял үҙәге фойеһында мәктәп уҡыусыларының ҡул эштәре күргәҙмәһе ойошторолдо.
Концерт номерҙары менән төрлө бүлектә белем алыусылар хореография, музыка, һуҡма уйын һәм халыҡ ҡоралдарында сығыш яһаны. «Йондоҙсоҡ» бейеү ансамбле мәҫәлән, тамашасылар иғтибарына «Байрам» башҡорт бейеү композицияһын тәҡдим итте. Виктор Пегов исемендәге балалар сәнғәт мәктәбендә ул 20 йылдан ашыу уңышлы эшләп килә. Бөгөн ижади коллективта тиҫтәләрсә бала шөғөлләнә.
