Башҡортостан Башлығы Радий Хәбиров Мәскәүҙә Бөтә Рәсәй спорт һәм илһөйәрлек форумында ҡатнашты. Унда “Zа самбо” федераль проекты үтәлеше ҡаралды. Ул 78 төбәктә, шул иҫәптән Башҡортостанда, тормошҡа ашырыла. Радий Хәбиров әйтеүенсә, республикала быйыл тағы 10 мәктәптә самбо түңәрәктәре асыла.
Радий Хәбиров Өфөлә Көрәш һарайы алдында спорт аллеяһын булдырырға тәҡдим итте. Унда илдә танылған көрәшселәр һындары, шул иҫәптән самбосы һәйкәле, урынлаштырыла.
