Мәҙәни йыйын тармаҡта стратегик йүнәлештәр буйынса фекер алышыу һәм ҡарарҙар ҡабул итеү, шулай уҡ һөнәри үҫеш, тәжрибә уртаҡлашыу, ижади эксперименттар уҙғарыу майҙансығына әүерелеү бурысын ҡуя. Уның эшендә дәүләт власы органы, йәмәғәт ойошмалары вәкилдәре, профессиональ спикерҙар, сәнғәт оҫталары, мәҙәниәт өлкәһе хеҙмәткәрҙәре, Мәскәү, Беларусь, Донецк, Тажикстандан делегациялар ҡатнаша. Бөгөн “Балалар һәм йәштәрҙә рухи-әхлаҡи ҡимәттәрҙе булдырыуҙа мәҙәни-белем биреү киңлегенең роле” тигән темаға пленар ултырыш уҙа.
