Федераль аҡсаға Дим йылғаһы үҙәнен таҙартыу, сүп-сарҙы айырып йыйыу өсөн төҫлө контейнерҙар һатып алыу, “Өфөхимпром” заводы биләмәһен дәүләт реестрына индереү кеүек эштәр башҡарылған. Быйыл милли проектҡа ярашлы, ҡаты көнкүреш ҡалдыҡтарын айырып йыйыу һәм эшкәртеү комплекстары үҙгәртеп ҡорола, “Өфөхимпром” заводы биләмәһендә таҙартыу башлана, Туймазы, Бәләбәй, Ишембай райондары һәм Стәрлетамаҡ ҡалаһында сүп-сарҙы утилләштереү объекттары төҙөлә.
