Күләмле сара 20 ашыу илдән белгестәрҙе йыйҙы. Конгресс-холда уҙған фәнни программа урология ауырыуҙарын дауалауҙың фундаменталь һәм традицион алымдарын үҙ эсенә алған.
Конгрес сиктәрендә тармаҡтың көнүҙәк проблемаларын хәл итеү юлдарын барлау менән бер рәттән тәжрибә уртаҡлашыу маҡсатында уникаль операциялар үткәрелә.
Евразия конгресы сиктәрендә тармаҡтың алдынғы хеҙмәткәрҙәре дәүләт наградалары - Салауат Юлаев ордены һәм почет грамоталары менән бүләкләнде. Халыҡ-ара конгрес Өфөлә 18 мартҡа тиклем эшләйәсәк. Бынан тыш, Башҡорт дәүләт медицина университеты клиникаһында Да Винчи аппаратын ҡулланып, 25-тән ашыу операция эшләү күҙаллана, сит илдәр менән онлайн бәйләнеш булдырыласаҡ.
