“Көмөш уҡсы” милли премияһы еңеүселәре иғлан ителде. “Бәхет биләмәһе” хәйриә фонды әҙерләгән социаль проект үҙ номинацияһында еңеү яуланы. Башҡортостан Башлығының тормош иптәше Каринэ Хәбирова башланғысы менән ойошторолған проект федераль кимәлгә сыҡты. Уның ярҙамында һуңғы 4 йылда 55 етем бала ғаиләле булды. Ошо ваҡыт эсендә балалар тарихы менән таныштырған 90 видеояҙма әҙерләнде.
