Өфөләге 2-се “СМАРТ” республика күп профилле полилингваль гимназияһында “Атайсал. Мәктәп” конкурсы үтте. Унда 6 команда ҡатнашты. Уҡыусылар белем усағы инфраструктураһын яҡшыртыуға йүнәлтелгән пландарын яҡланы. Музей булдырыу башланғысын тәҡдим иткән төркөм еңеү яуланы. Уҡытыусы Мөнир Ҡарабаев һөйләй.
Еңеүсе командаға 500 мең һумлыҡ грант тапшырыла. Был сумманы башланғысты тормошҡа ашырыу өсөн файҙаланырға мөмкин. “Маҡсатыбыҙ гимназияны тағы матурлау һәм уңайлыраҡ итеү”, - ти уҡыусылар.
