Бәхетһеҙ осраҡ Аҙанғол ауылында теркәлгән. Был ваҡытта ҡазаға тарыған сабый өлкән балалар менән урамда йөрөгән була. Соҡорҙағы боҙ өҫтөнә ҡолап төшкән уйынсығын алырға маташҡанда йоҡарған боҙ ярылып бәләкәй ҡыҙ уның аҫтында ҡала. Баланың кәүҙәһен һыуҙан атаһы сығара. Тикшереүҙәр һөҙөмтәһендә һыуҙың тәрәнлеге яҡынса 1 метр була. Осраҡ буйынса хоҡуҡ һаҡлау органдары енәйәт эше ҡуҙғатҡан.
