Актриса һәм режиссер Әминә Жаман менән әңгәмә Республиканың милли музейында урынлашҡан «Шаляпин Өфөлә» күргәҙмәһе сиктәрендә уҙҙы. Ҡунаҡ опера йырсыһының сит илдәге ижади тормошо, уның билдәле артистар, режиссерҙар менән дуҫлығы тураһында һөйләне.
Бынан тыш, осрашыуҙа Әминә Жаман режиссерлығында сәхнәгә сығарылған «Шаляпин/О'Нил» спектакленән өҙөк курһәтелде. Ижадсы күренекле музыкант һәм драматургтың берлектәге ижади эшмәкәрлеген комедия жанрында тәҡдим иткән.
Осрашыуҙа Федор Шаляпин тормошона арналған музейҙы ойошторорға теләүселәр ҙа бар ине. Хәтерегеҙгә төшөрәбеҙ, бөйөк йырсы иҫтәлегенә музей баш ҡаланың Свердлов урамында икенсе йылға асылырға тейеш. Әле бина һайланған, төҙөлөш эштәре оҙаҡламай башланырға тейеш. Әлегә музей коллекцияһына инәсәк экспонаттар менән күргәҙмәлә танышырға мөмкин. Әминә Жаман уны Шаляпин тураһында мәҡәләләр урын алған элекке сит ил гәзиттәре менән тулыландырҙы.
