Транспорт реформаһы дауам итте. “Башавтотранс” предприятиеһына 1 мең яңы автобус алынды. “Юлдарҙы хәүефһеҙ һәм сифатлы итеүгә ҙур иғтибар бүлдек. Республика масштаблы проекттарҙы тормошҡа ашыра”, тине Премьер-министр Андрей Назаров.
Былтыр республика юлдарында 800 стационар камера урынлаштырылған. 400 километрға яҡын юл яҡтыртылған. “Эҙмә-эҙлекле эш алып барыу юл-транспорт ваҡиғаларында һәләк булыусылар һанын 15 процентҡа кәметергә мөмкинлек бирҙе”, - тип белдерҙе Андрей Назаров.
