Транспорт һәм юл хужалығы министрлығынан хәбәр итеүҙәренсә, Күгәрсен районында ла асфальт-бетон заводы эшләй башланы. Бында юл ремонты өсөн ҡайнар асфальт сығарыла. Быға тиклем Ҡырмыҫҡалы, Стәрлетамаҡ һәм Бөрөлә заводтар ҡышҡы тәнәфестән һуң ҡайтанан сафҡа индерелде. Уҙған тәүлектә республикала 300-гә яҡын юл соҡоро ямалған. Юл хужалыҡтары ремонтты көн һайын алып бара. Әле электрон системала күрһәтелгән 8 мең 600 соҡорҙоң яртыһы юҡ ителгән.
