Музейҙы эшҡыуарҙар Гүзәл һәм Артур Кәлимуллиндар булдырған. Улар 1 мең самаһы экспонат - уйынсыҡтар, кейем, спорт тауарҙары, аҡса, көнкүреш әйберҙәре, йорт йыһаздары туплаған. Ҡомартҡылар ил төбәктәренән, Башҡортостан ҡала һәм райондарынан һатып алынған. Уйынсыҡтар араһында 19-сы быуатҡа ҡараған ҡурсаҡтар ҙа бар, ти Гүзәл Кәлимуллина.
Музейға балалар баҡсаһында тәрбиәләнеүселәр һәм уҡыусылар килә. Ҡурсаҡтар менән танышыу бушлай ойошторола.
