Төрлө райондарҙан ҡатнашыусылар Өфөлә йәмәғәт яҡлауы үтә. Бөгөн «Ҙур ауылдар» төркөмөнә ҡарағандар һынау тотто. Әлшәй районының Әбдрәшит ауылынан Ғәҙилә Хисамова әйтеүенсә, төбәктә ауыл хужалығы үҫешкән. Эшһеҙлек булмағас, эскелек тә юҡ, ти ул.
Туймазы районының Ҡандракүл ауылында тырыш, берҙәм халыҡ йәшәй. Улар асфальт һалдырҙы, музей төҙөнө, Бөйөк Ватан һуғышы яугирҙәренә һәйкәлде тергеҙҙе, ти район хакимиәтенең мәғариф бүлеге етәксеһе Рәмзил Әбсәләмов.
“Айыҡ ауыл” республика конкурсында проекттарҙы яҡлау 7 апрелгә тиклем дауам итә. Еңеүселәр 5 майҙа иғлан ителә һәм бүләкләнә.
