Беренсе ранг капитаны Мансур Ахунов һыу аҫты кәмәләрендә хеҙмәт иткән матростар тураһында шулай тип белдерҙе. Бөгөн Рәсәйҙә һәләк булған диңгеҙселәрҙе иҫкә алалар. Мансур Ахунов байтаҡ йылдар Тымыҡ океанда йөҙә, Төньяҡ флотта хеҙмәт итә. Бөгөн ул отставкала. “Рәсәй хәрби-диңгеҙ флоты һәм матростары менән менән ғорурлана ала”, - ти ул.
1989 йылдың 7 апрелендә Төньяҡ флоттың “Комсомолец” атом һыу аҫты кәмәһе һәләкәткә осрай. 42 экипаж ағзаһы, шулай уҡ командир Евгений Ваниндың ғүмере өҙөлә, 27 матрос ҡотҡарыла. Ошо ваҡиғаға бәйле илдә һыу аҫты кәмәләрендә һәләк булғандарҙы иҫкә алыу көнө булдырыла.
