1 марттан ғәмәлгә ингән законға ярашлы, был транспорт сараһына идара итеүселәр юл йөрөү ҡағиҙәләрен белергә һәм теүәл үтәргә тейеш. Баш ҡалала үткән тәүге рейд барышында инспекторҙар электросамокаттарҙа автомобиль юлдарына һәм йәйәүлеләр һуҡмағына сығыусыларҙы асыҡланы.
Миҙгел башланып ҡына тороуға ҡарамаҫтан, электросамокат хужаларының юл йөрөү ҡағиҙәләрен боҙоуына бәйле тиҫтәләп осраҡ теркәлде. Шулай уҡ бәхетһеҙ хәлдәргә юлығыусылар ҙа юҡ түгел. Былтырғы статитистик мәғлүмәттәргә ярашлы, төбәктә электросамокат ҡатнашлығында 20-нән ашыу авария теркәлгән. Уларҙа 23 кеше, шул иҫәптәп 7 бала йәрәхәтләнгән.
