Илһөйәрлек рухында ойошторолған сараға урындағы халыҡ күпләп йыйылды. Махсус операцияла ҡатнашыусылар ғаиләләре, йәмәғәт ойошмалары вәкилдәре, мәктәп уҡыусылары патриотик йырҙар тыңлап бай йөкмәткеле тамаша ҡараны. Концертта Хөсәйен Әхмәтов исемендәге Башҡорт дәүләт филармонияһы артистары һәм «Йәшлек» халыҡ ансамбле бейеүселәре сығыш яһаны. Тыуған илде данлап, берҙәмлеккә әйҙәгән сара төбәктең башҡа райондарында ла ойошторолор тип көтөлә.
