Халыҡ-ара акция 20 апрелдә ойошторола. Өфөлә төп майҙансыҡтар Әхмәтзәки Вәлиди исемендәге Милли китапхана, Милли музей һәм “Арт-квадрат” мәҙәни үҙәгендә була. Диктантты шулай уҡ юғары һәм урта уҡыу йорттары, мәктәптәр, мәҙәниәт һәм йәмәғәт ойошмаларына килеп яҙырға мөмкин. Башҡорт телен үҫтереү фонды етәксеһе Гөлназ Йосопова әйтеүенсә, быйыл белеме булған һәр кем диктантты тикшереү өсөн эксперт булараҡ теркәлә ала.
Башҡорт теленән диктантты онлайн яҙырға була. 23 апрелгә тиклем сайтта һәр төркөм өсөн видеояҙмалар урынлаштырыла.
