Бөгөн яҙыусы, дәүләт эшмәкәре Дауыт Юлтыйҙың тыуыуына 130 йыл тулыу уңайынан Өфө ҡалаһының тарих музейында хәтер кисәһе үтте. Унда шәхестең ейәнсәре Наилә Таң ҡыҙы ҡатнашты. Дауыт Исхаҡ улы тураһындағы тарихи ваҡиғалар менән уртаҡлашып, музейға ғаилә фондынан альбом тапшырҙы.
“Халҡыбыҙҙың тарихи ваҡиғаларын һынландырған Дауыт Юлтыйҙың ижадын һаҡлап, йәш быуынға еткерергә тейешбеҙ», тине Башҡортостан мәҙәниәт министры Әминә Шафиҡова.
