Яҙҙың тәүге сәскәһен донъяның күп илдәрендә шулай хөрмәтләйҙәр. Умырзаяның 2 тиҫтәгә яҡын төрө бар. Күптәр уны дарыу үләне тип тә белә. Мәҫәлән, һары умырзаяны тап ошо арҡала күпләп йыйғандар, хаттта әҙерләү контораһына тапшырып, аҡса эшләгәндәр. Юғалыу хәүефе янай башлағас, 80-се йылдарҙа "Ҡыҙыл китап"ҡа индерелгән. Рәсәйҙә яҙ сәскәләрен һаҡлау маҡсатында штраф системаһы ҡулланыла.
