Автомобилдәрҙән күпкә тиҙерәк һәм етеҙерәк хәрәкәт иткән ике тәгәрмәсле транспорт сараһы юғары хәүеф сығанағы. Улар йыш ҡына йәйәүлеләрҙе бәрҙерә, йөк һәм еңел машиналарҙың тәгәрмәсе аҫтында ҡала. Мотоцикл менән идара итеүселәрҙең баш шлемы һәм махсус кейеме булмағанда иһә, юлдарҙағы үлем статистикаһын тулыландырыуға булышлыҡ итә.
Ике тәгәрмәсле транспорттың тиҙлеге юғары. Йыш ҡына уларҙы хатта патруль машиналары ҡыуып тота алмай. Шуға ла мотоциклды күреү менән унан йырағыраҡ тороу хәйерле тигән фекерҙә белгестәр. Авариянан иҫән ҡалған осраҡта ҡорос атҡа атланыусылар, травматологтарҙың пациентына әйләнә.
