37 йыл элек Советтар Союзының иң ҡеүәтле Чернобыль атом электр станцияһында көслө шартлау яңғырай. Һәләкәт эҙемтәләрен бөтөрөүҙә Башҡортостандан 12 меңдән ашыу кеше ҡатнаша. Бөгөн уларҙы иҫкә алыу саралары, төрлө осрашыуҙар уҙа. Проблемалар, хәл ителәһе мәсьәләләр тикшерелә. Уларҙы Башҡортостандың «Чернобыль» ветерандар һәм инвалидтар йәмәғәт ойошмаһы ағзалары закон нигеҙендә хәл итергә тырыша.
