Сикләү бөгөндән 15 майға тиклем ғәмәлдә була. Урман хужалығы министры бойороғо донъя күрҙе. Бындай ҡарар юғары янғын хеүефе менән аңлатыла. Сикләү осоронда урманда даими күҙәтеү ойошторола. Тәртипте боҙған өсөн 50 мең һумғаса штраф һалына. Республикала көндәр йылы һәм ҡоро тора. Әле янғынға ҡаршы махсус тәртип ғәмәлдә. Халыҡҡа усаҡ яғыу, сүп-сар һәм ҡоро үлән яндырыу тыйыла.
