Яҙ һәм Хеҙмәт байрамы уңайынан ойошторолған акция сиктәрендә мәғариф учреждениеларында төрлө өлкәләрҙәге һөнәрмәндәр сығыш яһаны. Белгестәр профессия үҙенсәлектәре, ыңғай һәм кире яҡтары тураһында һөйләп тәжрибә уртаҡлашты. Хоҡуҡ һаҡлау, мәшғүллек, нефть сәнәғәте, йәмәғәт хәүефһеҙлеге өлкәләрендә эшләүселәр балалар менән аралашып файҙалы кәңәштәр бирҙе.
