“Ашҡаҙар” радиоһы ойошторған конкурсҡа ғаризалар ҡабул ителә. Башҡорт халыҡ йырҙарын башҡарған үҙешмәкәр йырсылар бәйгеһе Абдулла Солтанов хөрмәтенә ойошторола. Быйыл мәшһүр халыҡ йырсыһына 95 йәш тула. “Төп маҡсат – халыҡ йырҙарын халыҡҡа еткереү”, - ти радионың баш мөхәррире Гәүһәр Батталова.
“Ашҡаҙар моңдары” конкурсына ғаризалар 26 майға тиклем ҡабул ителә. Гала-концерт октябрь аҙағында Мәжит Ғафури исемендәге Башҡорт академия драма театрында уҙа.
