Тантаналы хәрәкәт Октябрь проспектында Ленин майҙаны алдында уҙҙы. Парадта 1,5 мең кеше ҡатнашты. Унда Өфө хәрби гарнизоны һалдаттары, хәрби хәрәкәттәр ветерандары, курсанттар һәм кадеттар, шулай уҡ махсус хәрби операция яугирҙәре йәлеп ителде. Икенсе генераль репетиция 7 майға тәғәйенләнгән. Ошоға бәйле Октябрь проспектының бер өлөшөндә транспорт хәрәкәте туҡтатылып тора. 9 майҙа парад ваҡытында хәрби техника, шулай уҡ вертолет һәм бәләкәй самолеттарҙы күрергә була.
