Белгестәр әйтеүенсә, ағастар Дәүләкән районында урынлашҡан тәбиғәт ынйыһын һайығыуҙан һаҡларға тейеш. Акцияла республика Тәбиғәттән файҙаланыу һәм экология министрлығы, Айырыуса һаҡланған тәбиғәт биләмәләре дирекцияһы хеҙмәткәрҙәре ҡатнашты. Теманы “Башҡортостан” газетаһы хәбәрсеһе Лилиә Нуретдинова дауам итә.
Республикала 22 майға тиклем “Хәтер баҡсаһы” акцияһы дауам итә. Быйыл ул махсус хәрби операцияла ҡатнашҡан яугирҙәр иҫтәлегенә лә арнала. Урман хужалығы министры Марат Шәрәфетдинов белдереүенсә, әле 2 мең гектарға яҡын майҙан йәшелләндерелгән.
