Бөгөн Өфөлә Рәсәйгә ҡушылған яңы төбәктәрҙән һәм Украинанан Башҡортостанға күсеп килгән граждандарға ярҙам итеүселәрҙе бүләкләнеләр. 30-ҙан ашыу кеше - педагогтар, психологтар, социаль хеҙмәткәрҙәр, табиптар награда алды. Республика Башлығы хакимиәте етәксеһе Максим Забелин белдереүенсә, Башҡортостан тәүге эшелондарҙы бер йыл элек ҡаршыланы. Килеүселәрҙең күбеһенең хатта документтары булмаған. Республика 1 мең 600 кешене ҡабул итте. -Эвакуацияланыусыларға ярҙам күрһәтеүселәргә ҙур рәхмәт, - тине Максим Забелин.
