Тантана Аҡъяр ауылының 2-се мәктәбендә үтте. Наил Ғәббәсов Ырымбур өлкәһендә тыуған, Хәйбулла районының Садовый һәм Аҡъяр ауылдары мәктәптәрендә уҡыған. Аҙаҡ Волга буйы федераль округының Александр Достовалов исемендәге башҡорт кадет корпусында, Новосибирскиҙағы Жуков орденлы юғары хәрби команда училищеһында белем алған. Училищены тамамлағас, егет Ростов өлкәһенә тәғәйенләнә, взвод командиры була. Наил ғинуарҙа хәрби бурысын үтәгәндә геройҙарса һәләк була, вафатынан һуң «Батырлыҡ ордены» менән бүләкләнә.
