Мифтахетдин Аҡмулла исемендәге Башҡорт дәүләт педагогия университетында «Рәсәйҙең киләсәк быуын уҡытыусыһы» форум-конкурсы тамамланды. Уҡытыусы һәм остаз йылына арналған бәйгелә илдең 25 вуздан 30 студенты ҡатнашты. Улар биш көн дауамында һөнәри оҫталығын, проекттарын күрһәтте, таныш булмаған класта дәрестәр бирҙе. Конкурсанттарҙы Рәсәйҙең 11 төбәгенән йыйылған эксперттар баһаланы.
Рәсәйҙең педагогия вуздары студенттарының белем кимәлен тикшереү, иң яҡшыларын билдәләү маҡсатында ойошторолған бәйгене йомғаҡлау сараһы «Торатау» конгресс-холында үтте. Конкурста еңеүсе Илья Лукьянов 50 мең һумлыҡ сертификат менән бүләкләнде. Буласаҡ уҡытыусы Лев Толстой исемендәге Тула дәүләт педагогия университетында белем ала.
