Башҡортостанда фәнде үҫтереүгә һәм йәштәрҙе ғилми эшмәкәрлеккә йәлеп итеүгә иғтибар арта. Үткән йыл республика Башлығы Радий Хәбиров йәш ғалимдарҙың торлаҡ шарттарын яҡшыртыуға һәм төрлө урындарҙа стажировка үтеүгә дәүләт ярҙамы тураһында указға ҡул ҡуйғайны. Был маҡсатта республика ҡаҙнаһынан 200 милион һум аҡса бүленде. Байтаҡ йәш ғалимдар ярҙам алды. “Сертификат бик урынлы һәм файҙалы булды”, - ти Башҡорт дәүләт медицина университеты клиникаһының табип анестезиолог- реаниматологы, медицина фәндәре кандидаты Алмаз Нуриманшин.
Алмаз Нуриманшин Рәсәй һәм сит илдәрҙә уҙғарылған фәнни сараларҙа даими ҡатнаша, тәжрибә уртаҡлаша. Әле ул Геленджик ҡалаһында үткән Бөтә Рәсәй фәнни конференцияһында сығыш яһай.
