Кадрҙар барыһын да хәл итә. Бөгөн Халыҡ-ара кадрҙар хеҙмәткәрҙәре көнөндә республика медицина учреждениеларының кадрҙар бүлеге етәкселәре Өфөгә йыйылды. Ғүмәр Ҡыуатов исемендәге республика клиник дауаханаһында үткән форумда кадрҙарға ҡытлыҡ мәсьәләләре ҡаралды, Рәхмәт хаттары тапшырылды.
Һаулыҡ һаҡлау министрлығы сараны Республика профсоюз ойошмаһы менән берлектә ойошторған. Кадрҙар хеҙмәткәрҙәре шарттарҙың уңайлы булыуын, хеҙмәт килешеүҙәренең үтәлеүен күҙәтә, профсоюздар, коммерция булмаған ойошмалар, ирекмәндәр менән тығыҙ бәйләнештә эшләй. Шулай уҡ йәш белгестәргә, хеҙмәткәрҙәргә төрлө яҡлап ярҙам күрһәтә. Кадрҙар мәсьәләһен хәл итеү бөгөн республика һәм федераль кимәлдәге программаларҙа ҡаралған.
