Професииональ белем биреү учреждениеһында 844 студент белем ала. Колледжды быйыл 290 кеше тамамлай, уларҙың 120-һе иретеп-йәбештереүсе дипломын аласаҡ. Сәнәғәттә мөһим урын тотҡан һөнәргә йәштәр араһында ла ҡыҙыҡһыныу арта.
Һөнәри оҫталыҡ буйынса төбәк бәйгеһендә Вилдан Мансуров юғары уңыш ҡаҙанған. Иретеп-йәбештереүсегә 50 мең һум, ә колледжға иретеп-йәбештереү йыһаздарын һатып алыуға миллион һумлыҡ сертификат тапшырылған. Тап ошо еңеү яңыртылған полигон асыуға этәргес биргән. Универсаль модуль студенттарға өс төрлө иретеп -йәбештереү ысулын үҙләштереү мөмкинлеген бирә.
