Дәүләт Йыйылышы–Ҡоролтайҙан хәбәр итеүҙәренсә, ер аҫты байлыҡтарын файҙаланыу законын камиллаштырыу буйынса эшсе төркөм ойошторолдо. Республика Башлығы Радий Хәбиров алтын ҡаҙыуға рөхсәт биреү хоҡуғын төбәктәргә тапшырырға тәҡдим итте. Ғәмәлдәге ҡануниәткә ярашлы, алтын ҡаҙыусылар лицензияны федераль кимәлдә юллай ала. Бының өсөн төбәк йәки муниципалитет менән килешергә кәрәкмәй. Эшсе төркөм ер аҫты байлыҡтарын үҙләштереүгә рөхсәт биреү хоҡуғын төбәктәргә тапшырыу мәсьәләһен өйрәнә.
