Бина «Яркий» микрорайонының Архитектор Кәлимуллин урамында урынлашҡан. Ошонда уҡ Йәмәғәт хәүефһеҙлеге үҙәге лә буласаҡ. Әүҙем төҙөлгән биҫтәлә әле 8 меңләп кеше йәшәй. Быға тиклем уларға 3 километр ярым алыҫлыҡта урынлашҡан Дим полиция бүлексәһенә мөрәжәғәт итергә тура килгән. Участковыйҙың эш үҙенсәлектәре иһә унан эшләгән ерен һәм урында йәшәүселәрҙе яҡшы белеүҙе талап итә.
