“Бөгөн йәмғиәтте һәм журналистарҙы фронт һыҙығындағы хәлдәр ҡыҙыҡһындыра. Атап әйткәндә, беҙҙе хәрби хәбәрселәрҙең нисек эшләүе борсой”. Бөгөн Өфөлә уҙған “Медиайыйын” барышында Рәсәйҙең Журналистар берлеге рәйесе Владимир Соловьев шулай тип белдерҙе. “Миңә лә ҡыҙыу нөктәләрҙә эшләргә тура килде”, тине ул.
“Беҙҙең төп маҡсат – журналистарҙың хоҡуҡтарын яҡлау. Беҙ көн һайын ошо эш менән шөғөлләнәбеҙ. Рәсәй Журналистар берлеге хәрби хәбәрселәр әҙерләү буйынса курстар ойоштора”, тине Владимир Соловьев.
